- Подробности
-
Опубликовано 23.02.2014 21:03
Из обращения Святейшего Патриарха Кирилла к полноте Русской Православной Церкви в связи с событиями на Украине от 21 февраля 2014 года:
…Всем сердцем оплакивая умерших, сострадая их близким, сопереживая раненым, я прошу пастырей и чад Русской Православной Церкви вознести молитвы ко Господу Иисусу Христу и Его Пречистой Матери. Помолимся о упокоении погибших братьев и сестер, об исцелении раненых и болящих, об умирении ожесточенных сердец, о прекращении раздора и смуты на Украине, о том, чтобы Господь ниспослал всем нам дух любви, мира, прощения и братолюбия во Христе!
Молитва о мире на земле Украины
Всевышний Боже, Владыко и Содетелю всея твари, наполняяй вся величеством Твоим и содержай силою Твоею. К Тебе Великодаровитому Господу нашему припадаем, сердцем сокрушенным и усердною молитвою о стране Украинстей распрями и нестроениями раздираемей.
Премилосердый и Всесильный, не до конца гневайся, Господи! Буди милостив нам, молит Тя Твоя Церковь, преставляющи Тебе начальника и совершителя спасения нашего Иисуса Христа. Укрепи силою Твоею верныя люди в стране Украинстей, заблуждающим же просвети разумныя очи светом Твоим божественным, да уразумеют Твою истину, умягчи их ожесточение, утоли вражды и нестроения на страну и мирныя люди ея воздвизаемая, да все познают Тебе, Господа и Спасителя нашего. Не отврати лица Твоего от нас, Господи, воздаждь нам радость спасения Твоего. Помяни милости, яже показал еси отцем нашим, преложи гнев Твой на милосердие и даждь народу украинскому помощь, в скорби сущему.
Молит Тя Твоя Церковь, представляющи Тебе ходатайство всех святых в землях наших просиявших, изряднее же Пресвятыя Богородицы и Приснодевы Марии, от лет древних покрывающия и заступающия страны наша. Возгрей сердца наша теплотою благодати Твоея, утверди волю нашу в воли Твоей, да якоже древле, тако и ныне прославится всесвятое имя Твое, Отца и Сына и Святаго Духа, во веки веков. Аминь.
