- Подробности
-
Опубликовано 05.02.2023 21:25
Господи, Боже, Великий Царю, Безначальный, пошли, Господи, Архангела Твоего Михаила на помощь рабу Своему Владимиру изъяти его от врагов видимых и невидимых.
О, Господень Великий Архангеле Михаиле, демонов сокрушителю, запрети всем врагам его, борющимся с ним, сотвори враги яко овцы, сокруши их яко прах пред лицом ветра.
О, господень великий Аргангеле Михаиле, шестокрылый, первый Княже и Воеводо Небесных Сил Херувимов и Серафимов.
О, Чудный Архангеле Михаиле, хранителю неизреченных таин, буди ему Великий помощник, во всех обидах, в скорбях, печалях, в пустынях, на распутиях, на реках и на морях тихое пристанище.
Избави его, Великий Архангеле Михаиле, от всякия прелести дьявольския и услыши нас, грешных рабов твоих, молящихся Тебе и призывающих имя Твое святое, ускори на помощь нам и услыши молитву нашу.
О, Великий Архангеле Михаиле, победи вся противящиеся нам силою Честнаго и Животворящего Креста Господня, молитвами Пресвятыя Богородицы и святых Ангел, и Святых Апостол, и Святого Николая Чудотворца, Пророка Божия Илии, четыредесят Севастийских мучеников и святых великомучеников Пантелеймона, Никиты и Естафия и преподобных Отец, новомученников и исповедников Российских, Страстотерпца Царя Николая и всех святых.
О, Великий Архангеле Михаиле, помози нам, грешным, избави нас от труса, потопа,огня, меча, от напрасной смерти всякого зла, и от всякого врага льстивого, и от бури наносимой, и от лукавого избави нас, великий Михаиле Архангеле господень, всегда ныне и присно и во веки веков.
Аминь
По благословлению схиархимандрита Илии (Ноздрина)
